Perilh de lauegi fòrts dempús des darrères nheuades

Eth Centre de Lauegi d'Aran manten eth perilh de lauegi fòrts 4 e era recomanacion d'evitar tot terren de lauegi, sustot per dessús des 2.000 mètres. 

Era quantitat de nhèu naua, informen, dejà supère es 100 cm e eth vent a guanhat protagonisme pendent es darrères ores. 

"Es inestabilitats degudes ara quantitat de nhèu recent, es variacions dera temperatura, eth vent e era base prèvia se somen entà generar ua situacion de perilh fòrt, en quau son possibles es lauegi naturaus e accidentaus de gran mesura en totes es orientacion e totes es còtes, tot e qu'eth perilh augmente damb era nautada", explique eth bulletin de perilh de lauegi, que recomane "non realizar activitat en terren de lauegi".

Per motius de seguretat, s'a limitat eth pas enes pistes forestaus dera Artiga de Lin e Varradòs.

IMATGE: CONSELH GENERAU D'ARAN