Òbres en Vielha entà milhorar er hilat de subministrament der aigua

Pendent aguesta setmana s’a iniciat ua naua fasa des òbres de milhora en hilat d’aigua en pòble de Vielha. Enguan, er Ajuntament municipau invertís un totau de 80.000 euròs en es trebalhs d’apraiament e adeqüacion d’aguesta infraestructura.

Rebrembam qu’eth consistòri auec d’aprovar un increment ena taxa de manteniment der aigua entà poder realizar òbres ad aguest hilat, qu’en fòrça trams se trape en estat obsolet.

Enguan es òbres se realizen ena Avenguda Pas d’Arró, pr’amor qu’era caneradaproporcione subministrament a gran nombre d’edificis deth centre de Vielha e part dera Solana.

De moment, aguestes òbres afècten ath trafic ena Avenguda Pas d’Arró, que comde damb un semafòr entà proporcionar pas alternatiu, mès non se demore qu’aguesti trebalhs causen guairi problèmes mès.

Uns trebalhs fòrça necessaris en cap-lòc aranés, que non sonque substituiràs es canerades en estat obsolet e milhoraràn eth subministrament d’aigua, senon qu’ath delà optimizaran eth sòn usatge.