Nèish Vielha Market, un nau mercat artesanau pendent tot er ostiu

Aguesta iniciativa, que prebotge eth trabalh artesanau e promò era activitat economica deth municipi, s'iniciarà aguest pròplèu dimenge, e se desvoloparà pendent tot er ostiu ena plaça dera glèisa, des 10 as 13 ores.

“Des der Ajuntament de Vielha e Mijaran credem qu'ei fonamentau balhar visibilitat ath trabalh que hèn es nòsti artesans. Un trabalh que supause un gran esfòrç as sòns productors e, qu'ath delà, servirà entà dinamizar era activitat economica pendent aguest ostiu en nòste municipi, a on se demore que i age ua nauta preséncia de visitaires”, comente eth baile de Vielha e Mijaran, Juan Antonio Serrano Iglesias.

HÒNT: AJUNTAMENT DE VIELHA E MIJARAN