Naut Aran inaugure era exposicion deth 2au prèmi de pentura en Musèu dera Nhèu
10/07/2023
Er Ajuntament de Naut Aran a inaugurat aguest maitin era exposicion deth 2au prèmi de pentura Naut Aran- Baqueira damb un cambi d’ubicacion pr’amor qu’enguan se plaçarà en renauït Musèu dera Nhèu, ena poblacion de Unha.
En totau, s’an presentat mès de 170 òbres, qu’era majoria provien d’Espanha, mès i a autors qu’an mostrat eth sòn interès des de Colòmbia, Veneçuela, Argentina, Alemanha, Brasil, Chile, Còsta Rica, Kazakhstan, Portugal e Andòrra.
Era entrada ad aguest equipament municipau entà contemplar es òbres e visitar tot eth complèx serà gratuït ath long deth mes de junshèga e es òbres s’expausaràn deth 10 enquiath 30 de junshèga en sòn orari de deluns a dimèrcles de 10:00 a 13:00 e de dijaus a dissabte de 17:00 a 20:00.
Es guanhadors se coneisheràn eth dissabte 29 de junhsèga en Parador d’Arties en un acte organizat per Ajuntament de Naut Aran.
En totau, s’an presentat mès de 170 òbres, qu’era majoria provien d’Espanha, mès i a autors qu’an mostrat eth sòn interès des de Colòmbia, Veneçuela, Argentina, Alemanha, Brasil, Chile, Còsta Rica, Kazakhstan, Portugal e Andòrra.
Era tinent d’alcalde, @annageliesp , destaque que “aguest concors ei ua accion culturau que se consolide en temps. Damb aguest eveniment eth municipi se torne a posicionar de forma internacionau en airaus coma per exemple er art entà mostrar un producte diferent entà toti es vesins e visitaires que s’apròpen ath nòste territòri pendent aguestes setmanes”.
HÒNT: AJUNTAMENT NAUT ARAN
HÒNT: AJUNTAMENT NAUT ARAN
Manu Moga