Naut Aran inaugure 8 punts de recarga de veïculs electrics

Ei un des ueit punts de recarga entà veïculs electrics que dejà an estat inauguradi en Naut Aran. 

Atau, es nuclèus de  Baquèira, Gessa, Salardú, Garòs, Arties compden damb un punt de recarga rapida, deth temps qu’es pòbles de Tredòs, Unha e Bagergue, aufrissen un punt verd de recarga semirapida. 

Un projècte amiat a tèrme gràcies a un acòrd entre er Ajuntament de Naut Aran e era companhia electrica Iberdrola. 

En tot auer-se inaugurat, eth servici serà gratuït enquia finaus deth mes de març.  

⁣Un des objectius a long termini ei eth foment deth coche electric entre era poblacion deth municipi, en tot auançar enquia un modèu mès sostenible e contribuïr atau ara luta contra eth cambi climatic. 

Er ajuntament a cedit a Iberdrola pendent 10 ans e d'auti 5 que se poderien prorogar, er espaci entà poder bastir aguestes estacions electriques enes pòbles de Naut Aran. Pera sua part, era companhia s'a encargat de plaçar tota era maquinària.

Ath delà, en acòrd entre es dues parts se contemple que un 30% deth totau dera facturacion qu' arrecebe Iberdrola vage a parar dirèctaments ath romanent de tresoreria deth consistòri.