Naut Aran designe era sua composicion municipau deth 2023 ath 2027

En aguest sens, Geli assumirà es cartères d'espòrts, cultura e igualtat e compartirà era competéncia de

torisme damb eth baile municipau, César Ruiz-Canela. Per part sua, David Torres mantierà es cartères d'urbanisme, òbres e servicis e naues tecnologies. Andrés España s'aucuparà de tot eth referent ath sector rurau damb es competéncies en agricultura, ramadería, miei naturau e montanhes, caça e pesca, alimentacion, accion climatica e agenda rurau. Atau madeish, Marcos Amiell serà er encargat de comandar era part educativa e economica damb educacion e isènda.

Eth baile, César Ruiz-Canela, damb ua dedicacion exclusiva, portarà governacion, personau, benestar sociau, assisténcia sociau, hèstes, torisme, joenessa, ramaderia, coordinacion damb es EMD e era cartèra de torisme, aguesta darrèra compartida damb Geli.

Sus açò, Ruiz-Canela destaque qu'auem conformat un equip renauït damb ganes e illusion de seguir en tot

melhorar era vida des nòsti vesins de Naut Aran com auem hèt atau pendent es darrèri 16 ans qu'è estat

coma baile. Sò fòrça content de compdar damb Anna Geli de tinent baile qu'aucuparà part des cartères mès

importantes laguens deth dia a dia der ajuntament".

Ath delà, e en d'auti ahèrs deth plen, s'an aprovat es membres dera comission de compdes, es representants

dera corporacion en d'auti organismes, eth conselh de govèrn locau o eth nau tresorer municipau que serà

Gabriel Garrido. Fin finau, s'a aprovat damb es vòts a favor de Convergéncia Aranesa e Aran Amassa damb

era abstencion d'Unitat d'Aran ua mocion pera sequèra ena zòna de Lhèida que perjudique eth trabalh des

pagesi d'aguesta zòna.


HÒNT: AJUNTAMENT NAUT ARAN