Naut Aran crompe ua jardinèra entàs escòles d'Arties e Gessa
16/06/2021
Damb aguesta jardinèra er alumnat poirà crear un uart en cada centre
Er Ajuntament de Naut Aran a crompat ua jardinèra ara escòla Loseron d’Arties e ara escòla Sant Martí de Gessa entà que poguen crear un petit uart en centre.
En aguesti elements i a bombes d’aigua entà qu’es petiti agen era capacitat de reconéisher eth besonh de non mauversar er aigua coma un element fonamentau entara nòsta vida.
Ath delà, damb aguesta accion s’a volut ensenhar as alumnes era importància des fases vitaus enes plantes des deth moment de semiar enquiath qu’arribe a convertir-se en ua flor o un frut.
Demorem en uns mesi passar-vos eth resultat definitiu d’aguesta experiéncia.
HÒNT: AJUNTAMENT DE NAUT ARAN
Manu Moga