Naut Aran aufrirà mès ajudes sociaus as familhes deth municipi
15/09/2022
Destinaram 15.000 èuros a subvencionar ara Associacion de Familhes d’Alumnes pr’amor deth naut volum de ratio de alumnes que derivarà en besonh d’auer mès monitors. Entà que non pugen es quòtes a pairs e mairs, nosati pagaram aqueth sobrecòst.
Ath delà subvencionaram as vesins de Arties, Gessa e Salardú qu’agen mainadèra ena escòla de primària damb un totau de 25.000 èuros entath servici de minjador. Aguest ei un ahèr que mos preocupe fòrça pr’amor qu’eth Conselh Generau d’Aran non aufrís cap ajut.
Fin finau, gràcies a ua auta subvencion en aguest cas deth Parc Nacionau d’Aigüestortes e Estanh de Sant Maurici milhoraram de forma integrau er accès e camin que va deth pè de Colomèrs enquiath Pòrt de Ratera.
Aguesti punts s’an aprovat damb es vòts a favor de Convergéncia Aranesa e Aran Amassa e era abstencion d’Unitat d’Aran.
HÒNT: AJUNTAMENT DE NAUT ARAN
HÒNT: AJUNTAMENT DE NAUT ARAN
Manu Moga