Naut Aran apròve per unanimitat ua modificacion deth pressupòst de 675.000€

Er Ajuntament de Naut Aran a aprovat en Plen era sua prumèra modificacion deth pressupòst entad aguest 2021. E ac a hèt per valor de 675.000 èuros e d’ua manèra que non ei bric abituau: per unanimitat des tres grops politics.

Entre es partides se i trapen partides entà òbres de milhora de carrèrs, ua partida entà subvencions adreçades a estudiants deth municipi e tanben 165.000 èuros entath bastiment d’un Skate Park en Arties. 

Ath delà, suberges ua partida de 180.000 èuros destinada a ajudes dirèctes entà enterpreses deth Naut Aran

Tanben s’a dessenhat ua partida de 20.000 èuros tà ajudar as familhes que mès ac agen de besonh en aguest an de pandèmia.  

Ua modificacion qu’a compdat damb eth vòt a favor dera oposicion.

Se demore qu’a compdar d’abriu dejà se poguen començar a balhar totes aguestes ajudes.