Naut Aran apòste pera digitalizacion des enterpreses e autonòms deth municipi

Er Ajuntament de Naut Aran promò un plan estrategic entà enterpreses e autonòms deth municipi damb er objectiu de poder digitalizar e adaptar es naues tecnologies as negòcis qu’atau ac desiren de forma totauments gratuïta.

S’aufrirà des dera creacion d’ua pagina web, gestion de hilats sociaus, posicionament SEO o gestion de clients enquia esturments tan practics aué dia coma ei eth comèrç electronic o d’autes formes de benefici on-line. Ath delà, s’aufrís era possibilitat, tanben gratuïta entàs enterpreses, depoder formar as pròpris trabalhadors en diuèrsi encastres restacadi damb era tecnologia.

A compdar d’aguesta setmana un agent dera oficina de tecnologia, formacion e innovacion deth consistòri anarà tàs enterpreses de Naut Aran entà informar-les d’aguesta qüestion.


HÒNT: AJUNTAMENT NAUT ARAN