Naui sistèmes d'illuminacion LED aeriana en Vielha
11/05/2017
Aguesti naui fanaus eliminen es barrères arquitectoniques des trepadèrs
POLÍTICA
Vielha
Er Ajuntament de Vielha e Mijaran a tornat a repréner eth projècte de melhora e substitucion der enlumenat deth municipi, que dejà s’inicièc er an passat e que cerque renauir tot er hilat d’illuminacion dera via publica municipau.
S’esta substituint es antigues lums per LEDS, qu’estauvien sòs, an ua vida mès longa e illuminen mès. Mès era principau nauetat la trapam en Carrer Catièro e part deth Carrèr Pas d’Arró a on non sonque s’an cambiat eth tipe de lums senon es fanaus sencers.Damb aguest projècte de substitucion der enlumenat, er Ajuntament non sonque milhore era illuminacion enes pòbles deth municipi, senon que tanben complís damb era normatiua europèa còntra era contaminacion luminica.
Clara Villar