Naua modificacion de crèdit en Conselh entath bastiment dera Residéncia de Les

Pendent eth darrèr Plen der an 2017, eth Conselh Generau d’Aran aprovèc per majoria ua modificacion de credit de miei milion d’euròs enes pressupòsti de 2018 entà poder trèir a concors eth projècte de bastiment dera naua residéncia geriatrica de Les.

Dejà ena anterior session s’aprovèc ua prumèra modificacion que reservaue 2 milions entara realizacion d’aguesta infraestructura tan necessària en Aran.

Era oposicion a votat a favor d’aguesta mesura pr’amor que considèren qu’eth bastiment d’aguesta residéncia ei fòrça urgent en territòri.

E ei qu’era residéncia de Vielha ei dejà ath maxim dera sua capacitat e molta gent grana se ve obligada a marchar a uns auti centres de dehòra deth territòri. Per aguest motiu ei tan important entath Conselh eth bastiment d’aguest nau centre en Les, qu’aurà capacitat entà 30 places publiques e 20 concertades en regim intèrn, e ues autes 20 de centre de dia, des quaus 10 seràn publiques e es autes 10 privades.