Naua jornada de donacion de sang en Aran
Damb ua participacion mès baisha de çò qu'ei d'abituda
Era Val d’Aran a tornat ua víuer ua naua jornada de donacion de sang en Palai d’Espòrts de Vielha.
Un totau de 51 persones pogueren dar sang des 16:00 entàs 21:00 deth vespe per çò qu’era valoracion ei confosa per part dera Associacion de Donants de Sang dera Val d’Aran. Ath delà, tanben se hèren 8 plasmes programadi e fin finau 15 aufriments. Rebrembam qu’es aufriments son persones que non poden dar sang per bèra qüestion qu’acostume a èster que prenen quauque medicament o que son baishi de hèr.
Aguesta a estat era quatau donacion der an e era tendéncia en aguest sens amendrís e des dera associacion cercaràn eth motiu peth quau non i a tanta assisténcia coma en d’autes escadences.
Un des lèmes dera campanha de donacion dera Val d’Aran ei que damb un viatge non n’i a pro pr’amor qu’era sang encara non se pòt fabricar e tostemp ei de besonh.
