Naua jornada de donacion de sang en Aran
Era societat aranesa tornèc a demostrar un an mès era sua solidaritat
Era Val d’Aran a tornat ua víuer ua naua jornada de donacion de sang en Palai d’Espòrts de Vielha.
Un totau de 71 persones pogueren dar sang des 16:00 entàs 21:00 deth vespe per çò qu’era valoracion ei fòrça positiua per part dera Associacion de Donants de Sang dera Val d’Aran. Ath delà, tanben se hèren 8 plasmes programadi, un nau donant de medula e fin finau 8 aufriments. Rebrembam qu’es aufriments son persones que non poden dar sang per bèra qüestion qu’acostume a èster que prenen quauque medicament o que son baishi de hèr.
Aguesta a estat era dusaua donacion der an e era tendéncia en aguest sens ei positiua. Es grops de sang mès demandadi son es que pòden aufrir era sua sang a totes es persones de forma universau.
Un des lèmes dera campanha de donacion dera Val d’Aran ei que damb un viatge non n’i a pro pr’amor qu’era sang encara non se pòt fabricar e tostemp ei de besonh. Era següenta ei previst que sigue a darreries deth mes de mai.
