Nau servici de remassada de lordères ena Val d'Aran
Ei previst que milhore era situacion gràcies ath sistèma de remassada pòrta a pòrta
Eth Conselh Generau d’Aran a adjudicat eth servici de remassada de lordères a ua naua enterpresa entà revertir era situacion que s’a viscut en darrèr decènni en territòri damb imatges de contienedors pleï constantment sustot enes sasons d’iuèrn e d’ostieu o residus peth solèr.
Eth nau modèl contemplarie un pòrta a pòrta enes nuclèus que se tròben a pè de carretèra Nacionau 230 e C-28 coma Arties o Les. De cara a poblacions aluenhades d’aguesta opcion coma Vilamòs, Canejan o Bagergue se crearà uns airaus barradi damb identificacion personau e se saberà es viatges qu’a accedit cada usatgèr e qu’ei çò qu’an hèt aquiu laguens.
Eth sistèma actuau que i auie en Aran ère insostenible pr'amor que se reciclava sonque un 23% de çò que se generaue. Damb ethpòrta a pòrta se preten superar eth 55% qu’ei çò que mèrque era Union Europèa que calerie arribar en 2030.
Ath delà, se vò hèr un pòrta a pòrta especific entà grani productors coma serien es hotèls, restaurants o comèrci que son es que genèren mès quantitat de residu, sustot de carton.
