Movistar, patrocinador oficiau deth Freeride World Tour de Baqueira-Beret

Es nheuades des darrèri dies, en tot acumular celhs en pistes de 1,5 mètros, permeten èster fòrça optimistes respecte ar espectacle que se veirà en aguest eveniment. En FWT Pro de Baqueira i participaràn tres espanhòus de naut nivèu coma son en snowboard Núria Castán, e en esquí, er aranés, Abel Moga; ambdús artenheren er argent ena edicion 2022 der eveniment en tot hèr alhocardir ath public locau congregat en Baciver, era montanha per a on se lancen es participaires. Eth tresau ei rookie en FWT mès a ua longa experiéncia en mon deth freestyle: se tracte der espanhòu Thibault Magnin qu'ei patrocinat per Movistar des de hè diuèrsi ans e que darà granes estones aguest iuèrn. Es tres hèn part des equipes dera Reau Federacion Espanhòla Espòrts d'Iuèrn (Spainsnow).


Eth principau objectiu de Movistar damb aguest nau patrocini ei eth de seguir posicionant-se enes Espòrts d'Iuèrn en Espanha e era escomesa pera joenessa e espòrts emergenti coma eth freeride coma un des sòns maximals exponents. De hèt, tant Thibault coma Abel signaràn posters a toti es riders locaus qu'ac desiren en stand de Movistar que se montarà en poliesportiu de Salardú entara inauguracion prevista eth diuendres 26 de gèr a compdar des 18 h.

Conscienti dera importància dera conectivitat ena nauta montanha entà refortilhar era seguretat, Movistar aufrís era tecnologia 5G en Baqueira-Beret a fin d'optimizar eth sòn desplegament mobil, en aguesta competicion era cobertura 5G ei disponibla ena basa de Beret. Ath delà de melhorar era conectivitat en zònes de malaisit accès, era companhia contunhe de refortilhar es servicis e productes qu'aufrís entà residéncies en vals de montanha.


HÒNT: BAQUEIRA-BERET