Morís as 94 ans Rafel Mombiedro, pionèr der olimpisme d'iuèrn en Espanha
05/01/2024
Se parlam de Rafael Mombiedro, segurament toti coincidiram qu’ère ua persona damb ua espectaculara vitavilitat, ua grana intelligéncia, preséncia e ua excellenta conversa. ‘Mombi’ dauric eth camin des espòrts d’iuèrn ena Val d’Aran e represente er orgulh de toti es sòns vesins de Naut Aran.
Siguec Olimpic en Oslo en an 1952, eth prumèr en tota era istòria, reconeishut damb era midalha ath merit esportiu per part dera Real Federacion Española d’Espòrts d’Iuèrn.
Coma se de ua poesia se tractèsse, Rafael Mombiedro mos a deishat en un dia en qu’a començat a nheuar e qu’era sua estacion preferida, Baqueira Beret, torne a lúder damb era sua maxima capacitat damb una nhèu povàs que gaudirie des dera hièstra de casa sua.
Rafael, gràcies per tot çò que mos as aportat. As estat un referent vitau entara istòria d’Aran, era istòria des espòrts d’iuèrn e era istòria de Naut Aran. Jamès te desbrembaram. Repòsa en patz.
HÒNT: AJUNTAMENT NAUT ARAN
HÒNT: AJUNTAMENT NAUT ARAN
Manu Moga