Milhores en subministrament der aigua e aigües lordes ena Avenguda Baile Calbetó Barra de Vielha

Aguesta actuacion que compde damb un pressupòst de 191.756,14€ e ei finançada damb eth Plan de Cooperacion Locau dera Diputació de Lleida, seguís eth compromís der equip de govèrn municipau de modernizar es hilats d'aigua e sanejament de tot eth municipi.

Se bastirà un hilat separatiu d'aigües pluviaus e d'aigües lordes, tanben se milhorarà eth hilat d'aigua correnta damb materiaus mès avienti entath subministrament, se milhoraràn es trepadèrs e s'i plaçarà paviment engondronat entà balhar contunhitat as acabats qu'a Vielha.

"Damb aguesta actuacion modernizam eth servici d'aigua correnta e eth sanejament deth municipi, en tot adaptar-les as besonhs actuaus”, comente eth baile der Ajuntament de Vielha e Mijaran, Juan Antonio Serrano. E ahig que “damb eth compromís de contunhar milhorant es hilats d’aigües, auem encargat as servicis tecnics municipaus era redaccion d’un projècte que permeterà renauir pendent 2025 gran part deth hilat que demore obsolet e que compdarà damb un pressupòst de mès de 450.000€”.


HÒNT: AJUNTAMENT VIELHA E MIJARAN