Mès nhèu entà acabar 2017

Semble qu’er an vò acabar cargat de nhèu ena Val d’Aran, e aguesta ei era estampa que dèishen es darrèri dies de 2017 en territòri.

Talaments coma informaue Meteoaran, era nhèu comencèc a quèir ager en maitin de forma moderada, mès s’anèc intensificant damb eth pas des ores, en tot descéner as còtes mès baishes. Vents fòrti de nòrd-oèst, damb bohades de molta intensitat, especiauments enes zònes mès elevades, e temperatures d’entre 5 e -7 grads, damb mès sensacion d’heired a causa deth vent.

Eth temporau causèc quauques retencions e petits incident en cap-lòc aranés pr’amor que quauqui veïculs circulauen sense shènes.

Entà aué contunhen es previsions de nhèu ja des de bonen maitin en tot eth territòri e pera tarde sonque enes còtes mès nautes. Vents de nòrd-oèst mès moderats qu’era jornada anterior e temperatures similars.

Entà diuendres, en cambi, se demoren bères nheuades febles de cara ath meddia e prumères ores dera tarde, mès s’anaràn alternant bromalhs e solei, e es temperatures se mantieràn ena madeisha linha qu’es dies anteriors.

Deuant aguest temporal ei important extremar precaucions en quinsevolh activitat ar aire liure, atau coma ena carretèra entà esvitar incidents.