Mès de 700 ciclistes participen ena 1èra. Vielha Cycling Tour

Aguesta pròva non competitiua, a auut Vielha coma lòc de gessuda e d’arribada, en tot trauessar bona part dera orografia dera Val d’Aran e deth sud de França.

I a auut era participacion de mès de 700 participaires, damb era preséncia des ex ciclistes professionaus Samu Sánchez (Medalha d’Aur enes Jòcs Olimpics de Pekin de 2008) e d’Haimar Zubeldia (ciclista espanhòl damb mès participacions en Tour de França).

Era Vielha Cycling Tour ei organizada peth Club Ciclista Vielha, e qu’ei compausat de dues distàncies: Era de Miei Hons, de 90 kms, damb era pujada as pòrts deth Plan Batalhèr, Pòrt deth Portilhon (2 viatges) e arribada en Vielha, e era Gran Hons, de 155 kms, damb es madeishi pòrts, e damb er ahijut deth Pòrt de Balès e eth Guardadèr d’Arres.

En 2020 s’auec de suspéner era estrea pera pandémia dera COVID-19 e en 2021, deuant deth barrament indefinit deth Pòrt deth Portilhon decretat pes autoritats politiques franceses, era organizacion dera corsa se vedec obligada a suspéner er eveniment, dempús de non poder trapar un recorregut alternatiu.


HÒNT: AJUNTAMENT VIELHA E MIJARAN