Mès de 150 persones demanèren en Vielha era libertat de Sànchez e Cuixart

Un dia dempús der empresonament des líders d’Assamblea Nacional Catalana e Òmnium, Jordi Sànchez e Jordi Cuixart, mès de 150 vesins e vesies dera Val d’Aran se concentrèren deuant dera Plaça deth Conselh entà demanar era sua libertat.

Rebrembam qu’era jutge dera Audiéncia Nacionau, Carmen Lamela, envièc a preson a Sànchez e Cuixart per un supausat delicte de sedicion, senténcia pera quau ua gran part dera societat catalana, les considère presoèrs politics.

Aguesta concentracion siguec convocada pes signatàries deth Manifèst de Les, collectiu que neishec entà demanar eth vòt en Aran er 1 d’octubre e qu’ara se replantege quin serà eth sòn futur.

Peth moment era societat aranesa contunhe pendent as moviments des govèrns espanhòu e catalan en aguesti dies claus entà decidir eth futur deth territòri.