May Peus ei escuelhut entà hèr part dera executiva deth Comité Olimpic Espanhòu

Eth president dera Reiau Federacion Espanhòla d'Espòrts d'Iuern (RFEDI), er aranés May Peus, a estat escuelhut entà hèr part deth Comité Olimpic Espanhòu (COE). Un cargue que desvoloparà junh damb d'auti 15 presidents des Federacions Nacionaus d'ostiu. Aguest nomentament s'a produsit eth madeish dia qu'Alejandro Blanco a renauit eth sòn cargue coma president deth COE per 4 ans mès. Peus manifestaue que "supause ua grana responsabilitat entrar en COE", quan tot just manque un an entàs Jòcs Olimpics d'Iuern de Pyeonchang (Corea deth Sud). Ath delà, afirmaue qu'"ei un gran rèpte e ua responsabilitat pr'amor qu'es JJOO arriben en mens de 8 mesi e ei un periòde de temps cuert entà hèr eth trebalh çò de milhor possible tostemp en tot tier en compde que des dera RFEDI dejà portam ans en tot premanir as esportistes entad aguest eveniment a compdar dera mia entrada coma president en 2014 e damb plena coordinacion damb eth COE e molt bona sintonia damb Blanco". 

Er objectiu de Peus coma vocau deth COE serà deféner, posicionar e cercar eth reconeishement avient de toti es espòrts d'iuèrn laguens dera maxima institucion olimpica espanhòla qu'ei eth COE. 


IMATGE: RTVE