Marc Tarrau, nau pòrtaveu deth grop d’Unitat d’Aran en Ajuntament de Naut Aran
24/02/2022
UA en Ajuntament de Naut Aran a amiat a tèrme un cambi ena sua organizacion en tot nomentar a Marc Tarrau coma pòrtaveu deth grop en substitucion de Francés Bruna
Unitat d’Aran a comunicat ar Ajuntament de Naut Aran eth cambi de portavotz d’aguest grop. Per unanimitat des sòns integrants, s’a decidit qu’eth nau pòrtavotz deth grop d’Unitat d’Aran en Ajuntament de Naut Aran sigue eth còsso Marc Tarrau Leja. Atau madeish, aguesta decision siguec ratificada pera Comission Executiva d’UA celebrada eth passat dia 11 de hereuèr, tanben per toti es sòns membres.
Marc Tarrau, nau portaveu d’Unitat d’Aran en Ajuntament declaraue, “deth grop d’UA en Naut Aran ençà seguiram trabalhant tà traçar es objectius qu’apròpen ath partit as naui tempsi e realitats deth municipi de Naut Aran”. En aguest sens higie que “Unitat d’Aran apòste per daurir ua naua etapa en temps en Naut Aran” e a “volut arregraïr eth gran trabalh realizat peth còsso Francés Bruna en sòn papèr de pòrtaveu pendent tot aguest temps”.
Marc Tarrau, encetèc eth sòn compromís ena politica aranesa en 2002, an en que comencèc era sua militància en Unitat d’Aran. En 2015 siguec elegit president dera EMD de Bagergue, cargue qu’ostente enquiara actualitat, e en 2019 còsso en Ajuntament de Naut Aran.
HÒNT: UNITAT D'ARAN
HÒNT: UNITAT D'ARAN
Manu Moga