Manifestacion "Er aranés, era nòsta identitat"

Dissabte 24 de març ues 200 persones anèren ara manifestacion convocada pera organizacion Lengua Viua. Ua convocatòria qu’auie coma lèma “Er aranés, era nòsta identitat” entà mostrar eth compromís des aranesi damb eth país e era sua lengua.

Eth motiu principau peth quau se convoquèc aguesta manifestacion a estat era anullacion per part deth Tribunau Constitucionaudeth caractèr preferent der aranés ena Lei der Occitan, aranés en Aran.

Ath delà, eth sarcasme des paraules deth Ministre d’Educacion, Cultura e Espòrts, Méndez de Vigo, en èster demanat sus es drets lingüistics der aranés tanpòc sentec guaire ben ath collectiu d’aranesi.

En aguesta convocatòria voleren èster presents tanben quauqui representants dera Generalitat de Catalonha, en tot dar supòrt e mostrar eth compromís d’aguesta institucion damb era lengua.

Es aranesi mostrèren, un còp mès, eth sòn compromís a suenhar e lutar pera sua lengua en tot gésser ath carrèr entà reclamar es drets der aranés.