Magnifics resultats des aranesi deth Club Esquí Emotion en Freeride Junior Tour
08/04/2017
Abel Moga, Axel Joaniquet, Pol Tellosa, Julian Puras e Jordi Riba an artenhut enguan molt bones posicions en aguesta competicion
ESPORTS
Baquèira
Es joeni participants aranesi pertanhents ath Programa de Pre-tecnificacion deth Centre Especializat ena Tecnificacion Esportiua d'Espòrts d'Iuèrn dera Val d'Aran (CETEI) e membres deth Club d'Esquí Emotion an obtengut uns resultats mès que satisfasenti en Freeride Junior Tour d'aguesta sason.
Abel Moga, de sonque 16 ans, s'a hèt damb era prumèra posicion deth circuit espanhòu d'enguan e a artenhut era 4au posicion finau en Freeride Junior Tour, uns resultats espectaculars se les comparam damb era sason passada, a on quedèc en 44au lòc. Ath delà, per se siguesse pòc, a agut eth milhor resultat dera istòria deth freeride nacionau en esquí.
Axel Joaniquet, de 17 ans, a artenhut ua evolucion sense precedents, ja que deth lòc numero 100 er an anterior, a conseguit hèr-se damb era 9au posicion finau en FJT. Demoram veder-lo en pòdium era següent sason.
Pendent eth sòn darrèr an coma Junior, Jordi Riba, de 18 ans, a artenhut eth milhor resultat dera sua carrèra coma corredor, artenhent eth 10au posicion finau. Ara Jordi passe ara categoria d'adults e correrà es Qualifiers eth pròplèu an.
En sòn dusau an coma corredor, er aranés Pòl Tellosa, de 16 ans, a artenhut era 12au posicion finau en aguest Freeride Junior Tour, milhorant eth 23au lòc d'est an passat.
Pera sua part, Julian Puras, damb 14 ans, a artenhut eth lòc 26 deth classament. Tota ua hita auent en compde qu'enguan ère eth sòn prumèr participant en aguesta competicion.
Segontes er entrenador d'aguesti joeni campions, Cristian Boiria: enguan "barram ua sason incresible". Demoram qu'era pròplèu sigue egal o encara milhor.
IMATGE: CONSELH GENERAU D'ARAN
Abel Moga, de sonque 16 ans, s'a hèt damb era prumèra posicion deth circuit espanhòu d'enguan e a artenhut era 4au posicion finau en Freeride Junior Tour, uns resultats espectaculars se les comparam damb era sason passada, a on quedèc en 44au lòc. Ath delà, per se siguesse pòc, a agut eth milhor resultat dera istòria deth freeride nacionau en esquí.
Axel Joaniquet, de 17 ans, a artenhut ua evolucion sense precedents, ja que deth lòc numero 100 er an anterior, a conseguit hèr-se damb era 9au posicion finau en FJT. Demoram veder-lo en pòdium era següent sason.
Pendent eth sòn darrèr an coma Junior, Jordi Riba, de 18 ans, a artenhut eth milhor resultat dera sua carrèra coma corredor, artenhent eth 10au posicion finau. Ara Jordi passe ara categoria d'adults e correrà es Qualifiers eth pròplèu an.
En sòn dusau an coma corredor, er aranés Pòl Tellosa, de 16 ans, a artenhut era 12au posicion finau en aguest Freeride Junior Tour, milhorant eth 23au lòc d'est an passat.
Pera sua part, Julian Puras, damb 14 ans, a artenhut eth lòc 26 deth classament. Tota ua hita auent en compde qu'enguan ère eth sòn prumèr participant en aguesta competicion.
Segontes er entrenador d'aguesti joeni campions, Cristian Boiria: enguan "barram ua sason incresible". Demoram qu'era pròplèu sigue egal o encara milhor.
IMATGE: CONSELH GENERAU D'ARAN
Clara Villar