Luis Carlos Medina dimitís coma secretari generau de CDA-PNA
Medina dèishi eth cargue qu'a exercit pendent 4 mesi, en tot allegar motius personaus
Luis Carlos Medina a dimitit coma secretari generau de Convergéncia Democratica Aranesa-Partit Nacionalista Aranés. Aguesta ei era decision qu’a comunicat Medina as maxims dirigents deth partit nacionaliste aranés, en tot allegar motius professionaus, tà dedicar-se plenaments ara sua carrèra d'avocat.
Medina dèishe, atau, un cargue en quau s’a mantengut de manèra oficiau pendent 4 mesi. Eth passat 25 de mai pendent eth 3au Congrés Nacionau dera formacion convergent, siguec ratificat en aguest cargue, qu’assumic en lòc der anterior secretari generau, Àlex Moga.
Per ara, se deconeish quina naua direccion prenerà Convergéncia Democratica Aranesa, quan manquen pòqui dies tara celebracion deth referendum der 1 d’octobre, mès en tot auer eth referent des eleccions municipaus e ath Conselh Generau d’Aran de 2019.