Licitacion dera reforma dera Sala Polivalenta de Les
20/08/2023
Entà milhorar aguest espaci en toti es sòns airaus
En licitacion era reforma e adequacion dera sala polivalenta de Les. Er Ajuntament de Les a daurit un nau concors dempús dera renóncia dera enterpresa adjudicatària per increment de prètzi de materiaus.
Era actuacion se centre ena reforma energetica dera bastissa, que presente granes deficiéncies en barraments e dubertures, quauques d'eres orientades a cara nòrd, qu'aumenten es recorsi destinadi en mantemement, mès tanben ena reabilitacion deth pavement en tot revestir-lo e melhorant era transmissivitat termica. Ath viatge, s'actuarà ena estetica e confòrt deth recinte damb era installacion d'un planchèr metallic lacat qu'imite husta en tet.
Aguest projècte se desvoloparà conjuntament damb eth bastiment dera naua nau de servicis dera brigada municipau, gràcies ara linha d'ajudes deth Plan Unic d'Òbres e servicis ara qu'eth govèrn de Les s'a acuelhut, e a un pressupòst totau de mès de 300.000 èuros.
Àlvar Ordoñez