Libertat damb cargues entath agent de Miei Ambient detengut pera possible implicacion ena mòrt de Cachou

Un agent deth Miei Ambient deth Conselh Generau d’Aran a estat detengut pes Mòssos d’Esquadra pera presomptiva relacion damb era mòrt der os Cachou. 

En aguest sens, eth plantigrad aurie morit coma conseqüéncia d'un empodoament premeditat en quau i serie presomptaments implicat er òme ara detengut. Totun, encara se desconeishen es detalhs d'aguesta accion. 

Segontes a pogut saber eth diari Segre, ath detengut se li atribuïssen un delicte contra era fauna, un aute de revelacion de secrèts e un tresau de prevaricacion. Eth, totun, a negat toti es hèts que se li atribuïssen , segontes informèc eth sòn advocat.

De moment, se trape en libertat damb cargues. 

Es reaccions deth Conselh Generau d’Aran en ahèr non s’an hèt a demorar.

Cau arrebrembar que Cachou ère, amassa damb Goiat, un os polemic en parçan pes sòns atacs fatals ath bestiar. Auie, ath delà cèrta debilitat pes equins. 

Ara, totun, cau demorar a qu’eth procés judiciau auance entà conéisher es hèts e saber se finauments i a responsabilitats darrèr dera mòrt de Cachou.