Lèu 1200 participaires inscrits entara 2au Trail Vielha-Molières
12/07/2018
ESPORTS
Vielha
Aguest dissabte, 14 de junhsèga, eth municipi de Vielha e Mijaran acuelh era 2au edicion dera Trail Vielha-Molières 3010, ua competicion de nauta montanha que supausèc un gran impacte er an passat ena sua estrea damb mès de 700 corredors, e qu'enguan acuelherà lèu 1200 participaires.
Era pròva aurà 3 modalitats: Era Molières Maraton de 42 kms, damb 545 participaires, era Montpius Skyrace 23, damb 453 inscrits, e era Tuca Trail, d'11 kms, damb 190 corredors.
Ath delà d’esportistes nacionaus, preneràn part dera pròva corredors de diuèrsi païsi d'Euròpa coma França, Belgica, Suècia o Ucraïna entre d'auti.
Segontes eth còsso d'Espòrts de Vielha e Mijaran, Alberto López, “Era Trail Vielha-Molières 3010, en sonque dus ans de vida, ja camine damb pas fèrm entà èster un eveniment esportiu de referéncia de montanha non sonque en nòste municipi senon en conjunt des Pirenèus entàs pròplèu ans”. López hig, que “des dera organizacion, en collaboracion damb er ajuntament, s'a hèt un gran trabalh entà plaçar Vielha e Mijaran precisament coma referent esportiu, e pendent tot er ostiu, damb pròves com aguesta, artenharam ua gran repercusion economica e mediatica en benefici deth conjunt deth municipi”.
Entath sector toristic de Vielha e Mijaran serà ua dimenjada fòrça bona, en tant que damb es lèu 5000 sojorns que se demoren, eth sector ostalèr se'n veirà beneficiat.
Era repercusion economica serà fòrça bona, damb uns 300.000€ d'ingrèssi apuprètz, de manèra que tot eth sector servicis trabalharà a plen rendiment.
IMATGE: AJUNTAMENT DE VIELHA E MIJARAN
Era pròva aurà 3 modalitats: Era Molières Maraton de 42 kms, damb 545 participaires, era Montpius Skyrace 23, damb 453 inscrits, e era Tuca Trail, d'11 kms, damb 190 corredors.
Ath delà d’esportistes nacionaus, preneràn part dera pròva corredors de diuèrsi païsi d'Euròpa coma França, Belgica, Suècia o Ucraïna entre d'auti.
Segontes eth còsso d'Espòrts de Vielha e Mijaran, Alberto López, “Era Trail Vielha-Molières 3010, en sonque dus ans de vida, ja camine damb pas fèrm entà èster un eveniment esportiu de referéncia de montanha non sonque en nòste municipi senon en conjunt des Pirenèus entàs pròplèu ans”. López hig, que “des dera organizacion, en collaboracion damb er ajuntament, s'a hèt un gran trabalh entà plaçar Vielha e Mijaran precisament coma referent esportiu, e pendent tot er ostiu, damb pròves com aguesta, artenharam ua gran repercusion economica e mediatica en benefici deth conjunt deth municipi”.
Entath sector toristic de Vielha e Mijaran serà ua dimenjada fòrça bona, en tant que damb es lèu 5000 sojorns que se demoren, eth sector ostalèr se'n veirà beneficiat.
Era repercusion economica serà fòrça bona, damb uns 300.000€ d'ingrèssi apuprètz, de manèra que tot eth sector servicis trabalharà a plen rendiment.
IMATGE: AJUNTAMENT DE VIELHA E MIJARAN
Clara Villar