Les licite es projèctes d'adecuacion dera pista poliesportiva descubèrta e de recreishut deth mur de contencion der arriu Garona

Eth mur dera entrada deth pòble a ua nautada insufisenta e presente grèus deficiéncies estructuraus. Aguest projècte melhorarà es condicions de prevencion de risqui naturaus. Compren era bastissa d'un nau mur d'uns 90cm, era estabilizacion de pèires de revestiment ath pè deth mur existent, e naui elements coma ua tanca de proteccion, mobiliari urban, eca.

Era actuau pista esportiua descubèrta patís es incleméncies meteorològiques pendent tot er an. Eth projècte cònste de vàries fases e melhorarà e condicionarà er equipament municipau. En aguesta prumèra fasa s'actuarà ena pavimentacion, eth drenatge, er enlumenat e era canalizacion de servicis.

Aguestes actuacions, s'amiaran a tèrme pendent es pròplèu mesi, un viatge age finalizat eth procés de licitacion, e an un pressupòst aproximat de 140.000,00€, IVA inclodit.


HÒNT: AJUNTAMENT DE LES