Les inície un cors d'iniciacion ara Marcha Nordica
16/09/2021
Er Ajuntament de Les daurís, amassa damb Nordic Walking Therapy Val d'Aran, un nau cors d'iniciacion ara marcha nordica, orientat a conéisher es beneficis qu'apòrte en tot apréner es movements basics e tecniques de pas. Aguesta practica s'a popularizat en tot eth mon, e ei considerada ua des activitats fisiques mès saludables e complètes.
Eth cors a ua durada de 8 ores, e comence eth pròplèu dissabte dia 18 de seteme. Lòc des classes ena Sala des Monges, en orari de 18o-20o, e s'amiarà a tèrme pendent es mesi de seteme e octobre. Session de marcha setmanau es diuendres tàs 17o. Dubèrt a toti es publics, damb protocòl COVID. Places limitades.
Ath delà, aguesta tempsada ena Sala des Monges s'aufriràn activitats de yoga, pilates, aerobic e karate.
Atau, se vò repréner eth programa de foment d'exercici fisic entà adults que comencèc en 2020, e deth qué s'auec de sóspener era sua activitat pr'amor des restriccions dera COVID-19.
Er Ajuntament de Les vò fomentar era activitat fisica entà adults, e cedís er usatge des sales entara sua practica.
HÒNT: AJUNTAMENT DE LES
HÒNT: AJUNTAMENT DE LES
Manu Moga