Les, includit en un projècte nacionau de desplegament de fibra optica

Bones notícies entath pòble de Les, qu’a estat includit en un projècte nacionau deth Ministèri d’Industria e Telecomunicacions de desplegament dera fibra optica en municipis plaçadi en zònes ruraus.

Finançat damb hons Feder, aguest projècte supausarà ua melhora dera connectivitat en municipi fòrça important. Mas Movil, qu’opère damb Vodafone e Orange, ei era companhia adjudicatària d’aguest programa e dera installacion d’aguest hilat de distribucion.  

Aguesti trabalhs, que se demore que comencen pròplèuments,  se complementaràn damb es que dejà s’amien a tèrme per Movistar, consistents en  desplegament de linhes e banda ampla ena zòna dera Lana. 

Des deth consistòri, afirmen, eth desplegament d’aguesta tecnologia en municipi  contribuirà a redusir era brecha digitau e hèr front ath rèpte demografic.

Era prevision ei qu’en acabar era primauera deth 2021, es vesins de Les dejà poguen contractar es servicis dera fibra optica.