Joseba Albizu e Clara Fernandez, campions dera PDF Non Stop 2018
Damb nèrvis e illusion pròp de 1000 persones iniciauen tàs 5 deth maitin de dissabte 30 de junh era Pedals de Foc Non Stop 2018, eth Campionat d’Euròpa de MTB Utra Marathon que, un an mès, a acuelhut eth nòste parçan.
Ua competicion que compde damb 213 quilomètres de recorregut e 6.200 mètres de desnivèu positiu.
En aguesta 13au edicion i a agut recòrd absolut de participacion, damb 967 corredors.
Enguan, er aur masculin se l’a tornat a emportar eth campion dera passada edicion, Joseba Albizu, seguit per Alberto Fernandez e Guillem Cassu.
En çò que tanh ath pòdium femenin, Clara Fernandez a artenhut era prumèra posicion, seguida de pròp per Ramona Gabriel e Sandra Jorda.
Uns molt boni tempsi en aguesta dura competicion que non dèishe de créisher e de dar a conéisher eth magnific recorregut deth perimètre deth Parc Nacional d’Aigüestòrtes e Estanh de Sant Maurici.