Jornades InvesJove en Institut d'Aran

Er Institut d’Aran a acuelhut era XI edicion des jornades InvesJove, enes que se presenten es milhors trebalhs d’investigacion amiadi a tèrme entre es escolans de dusau de Bachilierat deth Naut Pirinèu e Aran.

En totau, ueit estudiants aranesi an estat escuelhudi entà exposar es sòns projèctes en aguestes Jornades. Aguesti trebalhs, e tanben toti es auti presents en InvesJove, s’arremassen en un libre que pòt ajudar a trapar idies as futurs estudiants qu’auran de hèr front ath trebalh de recèrca.

Es tematiques des projèctes presentadi son fòrça disparières. Economia, sciéncia, istòria, innovacion o tecnologia… Es alumnes an libertat entà escuélher çò qu’investigaràn. Totun, er InvesJove ei valorat de forma positiua entre es participants e, tanben es espectadors.

En efècte, ues jornades plan profitoses que fomenten es competéncies de recèrca e comunicatiues enes centres d’educacion segondària.