Ja ei dubèrta era convocatòria deth 1èr tèrme de subvencions de Vielha e Mijaran de 2023
01/03/2023
Enquiath pròplèu 31 de març se poderàn demanar ajudes enes airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti
A compdar deth 28 de hereuèr, er Ajuntament de Vielha e Mijaran daurís era convocatòria deth 1èr tèrme de subvencions d’enguan. Enquiath pròplèu 31 de març, totes aqueres persones o entitats que volguen, poderàn demanar ajudes entàs activitats restacades damb es airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti.
S’enten que totes es activitats que pòden èster subjèctes d’èster subvencionades, se desvolòpen abantes deth 30 de noveme de 2023 a excepcion des activitats que se realizen en relacion ath cors escolar.
S’enten que totes es activitats que pòden èster subjèctes d’èster subvencionades, se desvolòpen abantes deth 30 de noveme de 2023 a excepcion des activitats que se realizen en relacion ath cors escolar.
Es subvencions se pòden demanar a trauès dera sedença electronica der Ajuntament de Vielha e Mijaran o directament ena sedença fisica deth consistòri en orari des 09:00 as 14:00. Es bases e tota era documentacion qu’ei de besonh entà poder sollicitar es subvencions, ac podetz trapar en aguest enlaç:
Un viatge finalizada era convocatòria, er Ajuntament notificarà as interessadi era resolucion de concesion o denegacion des subvencions en un periòde de tres mesi. Ath delà, se procedirà a publicar en BOP de Lhèida era lista de subvencions autrejades e tanben en tablèu d’anoncis der Ajuntament.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga