Investiguen era mòrt d'ua oelha per un possible atac d'un os en Gessa

Era alèrta l'a dat aguest deluns peth maitin eth pagés Eduard Melero quan eth sòn oncle a anat a daurir era cleda ath ramat ta pasturar. S'a trobat era malha tirada en tèrra e era majoria deth centenat d'animaus -entre oelhes e crabes- qu'an, dehòra deth perimètre. «Les barram pes nets entà evitar aguesti atacs, mès ne damb era cleda foncione», lamente Melero, que ja hè tres ans que patís atacs as sòns ramats. Ena zòna s'an trobat peades d'os mès serà era autòpsia era que confirmarà era causa dera mòrt dera oelha.


Er animau a apareishut mòrt apròp d'un camin, a uns 500 mètres dera cleda, a explicat Melero a ACN. «Ara haràn era autòpsia ara oelha entà confirmar qu'a mòrt aguesta net per atac d'un os», explique eth pagés, qu'ahig qu'es agents ruraus «tanben an trobat un hematoma e uns horats ena part deth darrèr dera oelha compatibla damb es urpes d'un os».


HÒNT: VIURE ALS PIRINEUS