Installadi en Espitau Val d'Aran dus moduls tà realizar prètzhèts de trigatge

Era unitat PMA plaçada ath costat der espitau Val d’Aran a estat substituïda per 2 moduls prefabricadi. Eth motiu d’aguest cambi, diden des deth Conselh Generau d’Aran, ei que deuant era arribada der iuèrn e er heired, aguesti moduls responen melhor as besonhs actuaus de cauhatge e de melhora der espaci assistenciau.

Era foncion d’aguestes estructures, contunharà en tot èster era madeisha: eth trigatge de persones damb simptomatologia en tempsi de pandèmia.

Se garantirà, atau, eth benèster e comoditat des pacients e professionaus dera salut de cara as incleméncies meterologiques que se demoren enes pròplèus mesi. 

Aguesti moduls, totun, son provisionaus. 

Er objectiu, encarar era sason d’iuèrn premanidi ena Val d’Aran tà tot çò que pogue passar.