Informacion de talhs de transit pendent era Hèsta Major de Vielha

Pendent era celebracion dera Hèsta major de Vielha, er ajuntament de Vielha e Mijaran a emetut un pannèu damb es talhs de transit que se produssiràn a causa des desparières actiuetats premanides. Atau, es oraris a tier en compde son:

- 5 de Seteme:

Talh en Passeg dera Libertat de 17:00 a 18:00 (Corsa de Bebés)

- 6 de Seteme:

Talh en Passeg dera Libertat de 10:00 a 12:00 (Ginkama Infantil)

- 7 de Seteme:

Talhs intermitents ena Avenguda Garona entre es 10:00 e es 12:00 (Duatlon Infantil).
Talhs intermitents e desviaments de trànsit ena Avenguda Calbetó Barra, Avenguda Castièro e Avenguda Pas d'Arró entre es 18:30 e es 21:00 (Passavila)

- 8 de Seteme:

Talhs intermitents ena Avenguda Castièro, Passeg dera Libertat, Avenguda Calbetó Barra e Via de Servici N-230 sentit Vielha entre es 10:30 e es 11:00, e entre es 12:00 e es 13:00 (Professon)

- 10 de Seteme:

Talhs intermitents e desviaments de transit ena Avenguda Castièro e Pas d'Arró entre es 12:00 e es 13:00 (Baishada deth Cap dera Vila).
Passeg dera Libertat entre es 12:00 e es 14:00 (Baishada deth Cap dera Vila) 

- 11 de Seteme:

Avenguda Pas d'Arró talhada entre es 10:00 e es 21:00 (Parc Infantil e Grand Prix)
Talhs intermitents en c/Querimònia entre es 21:30 e es 22:30 (Huecs d'Artifici)