Incertitud en Aran dauant eth rodatge dera sèrie internacionau de Netflix “The Crown”

Incertitud ena Val d’Aran dauant eth rodatge dera sèrie internacionau de Netflix “The Crown”, qu’auie escuelhut era Val d’Aran entà gravar bères des scènes dera sua quatau tempsada. 

En aguest sens, trascendic qu'era productora de "The Crown" auie escuelhut Aran entà emular era Soïssa a on estudièc de joena Diana Spencer.

Aquiu siguec a on coneishec a qui se convertirie en sòn marit, Carlos de Galles, er eretièr dera corona britanica.

Totun, er estat d’alarma non a permetut començar aguest rodatge, qu’ère previst d’iniciar-se a finaus de març.

En çò que tanh as scenaris escuelhudi, se trapaue era estacion d'esquí de Baqueira Beret e diuèrsi emplaçaments deth cap-lòc aranés, Vielha. Sense dobte, ua escadença entà dar visibilitat ath nòste país en tot eth mon.

Ara calerà demorar as decisions que se prenguen, tà verificar se finauements poiram guardar era Val d’Aran convertida en Suïssa en ua des granes plataformes internacionaus, coma n'ei Netflix.