Inauguracion d'ua placa commemoratiua pera gessuda en Vielha d'ua etapa deth Tour de França en 2016
22/07/2022
Eth baile der Ajuntament de Vielha e Mijaran, Juan Antonio Serrano, a inaugurat aguesta tarde era placa commemoratiua pera gessuda des de Vielha dera 9au etapa deth Tour de França de 2016, e que se trape dejós dera plaça dera glèisa.
Era inauguracion s'a amiat a tèrme damb era conselhèra de coneishement deth Conselh Generau d'Aran, Angelina Cases, es ex ciclistes professionaus, Samuel Sánchez e Haimar Zubeldia, ambdús ex participaires dera corsa francesa en fòrça edicions, e Juanmi Riu, membre dera Vielha Cycling Tour.
Aguesta placa rebrembe ua hita fòrça importanta entà Vielha e Mijaran, pera magnitud dera pròva ciclista, pera repercusion qu'auec alavetz, e qu'ajude a assolidar ath municipi en mapa internacionau des competicions esportiues.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga