Hèsta deth 50au aniversari deth Parador d'Arties

Eth Parador de Torisme d’Arties qu’ei de celebracion enguan, damb era commemoracion deth sòn 50au aniversari. Entà hestejar aguesta hita, era direccion organizèc un acte de celebracion ena sedença deth parador, a on i sigueren presents bona part des autoritats politiques dera Val d’Aran. Aguest acte siguec presidic pera presidenta-conselhèra delegada de Paradores de Turismo d’Espanha, que se mostrèc fòrça erosa d’auer podut assistir ad aguest aumentage deth parador d’Arties.

Eth sindic d’Aran, Carlos Barrera, tanben mostrèc eth sòn supòrt a ua institucion tanplan antiga e que contunhe en tot acuélher visitaires ena Val d’Aran, sustot pendent era sason d’iuèrn.

Era direccion deth parador d’Arties tanben decidic aufrir un aumenatge a un des sòns trebalhadors, Francisco Sánchez, pera sua trajectòria coma trebalhador en aguest parador.

Era hèsta siguec completada damb ua petita demostracion de balhs aranesi entà qu’es assistents podessen gaudir d’un tret culturau aranés pendent era serada.