Gran succès dera foncion de teatre musicau "Gran Hotel Arania" en Era Audiovisuau de Vielha

Eth grup de teatre musicau dirigit per Miguel Pineda a tornat a aumplir totes es sessions enes que representèren era òbra "Gran Hotel Arania". Der 11 ath 15 de junh (ua representacion mès des abituaus d'aguest grup) hèren a arrir e gaudir fòrça damb ua istòria plan alhocada, ena que se produssís un panatòri en un hotel ambientat ena Val d'Aran (Arania).


Un espectacle que combine musica, balhs e teatre, ena qu'er aranés auec ua subergessenta preséncia damb coneishudes cançons revirades.


Ua trama ena que se genère un finau pòc demorat, e en que cau remarcar eth caire solidari deth prètz des entrades, pr'amor qu'es sòs requectadi van dirigidi ara mainadèra que participe enes colònies d'ostiu dera Asociación Española Contra el Cáncer.