Gran èxit ena presentacion dera pellicula "CompartirXAprendre"
22/02/2019
SOCIETAT
Vielha
Plen ena projeccion dera pellicula "CompartirXAprendre", presentada ager pera tarde ena Sala Era Audiovisuau de Vielha. Un vidèo que narre era experiéncia deth laueg deth Tuc dera Llança deth passat 6 de hereuèr, en quau tres esquiaires se vederen estonadi quan practicauen esquí dehòra pista.
Eth metratge, realizat peth guida de montanha Roger Martorell damb era collaboracion des tecnics deth Centre de Prediccion de Lauegi deth Conselh Generau d’Aran, compde damb era narracion en prumèra persona d'un des esquiaires afectadi peth laueg, qu'explique era situacion que viueren ar èster estonadi per un fenomèn naturau d’aqueres dimensions.
Es imatges mòstren coma en un prumèr moment dus des esquiaires artenhen superar eth laueg, tot e que demoren semienterradi. A compdar d'aquiu, comencen era recèrca deth tresau esquiaire enterrat pera nhèu e localizat mejançant ARVA (Appareil de Recherche de Victimes d'Avalanches), e inícien era rapida intervencion damb era sonda e era pala enquiara arribada deth Grop de Rescat de Montanha (GRM) des Pompièrs d’Aran, que procedissen ath rescat e evacuacion en elicoptèr des victimes.
Eth GRM siguec avertit en madeish moment deth laueg peth guida de montanha, que se mantenguec en tot moment en contacte damb es tecnics deth Centre de Prediccion de Lauegi d’Aran e damb era equipa de rescat.
Fin finau, es esquiaires podèren èster evacuadi en elicoptèr. Dus d’eri ar Espitau dera Val d’Aran e eth tresau derivat en elicoptèr medicalizat ar Espitau Arnau de Vilanova de Lhèida, a on demorèc espitalizat pendent uns dies.
Er acte celebrat ager compdèc damb era preséncia des tecnics deth Centre de Prediccion de Lauegi, eth pròpi Roger Martorell e dus des esquiaires afectadi peth laueg, acompanhadi entre d’auti peth conselhèr de Territòri d’Aran, José Antonio Boya.
Dempús dera projeccion, auec lòc un interessant collòqui sus era manèra d'actuar deuant un laueg ena montanha, era importància de consultar eth bulletin de prevision de lauegi que cada dia emet eth Centre de Lauegi e era preparacion des gessudes, atau coma es mesures de seguretat que non se pòden desbrembar jamès.
En aguest sens, eth conselhèr de Territòri, José Antonio Boya, destaquèc era rapida accion des servicis de Pompièrs e Emergéncies dera Val d’Aran que, en pògues menutes, poderen efectuar eth rescat des esquiaires gràcies ara sua formacion e experiéncia en rescats de montanha.
Eth vidèo complèt de "CompartirXAprendre" se poderà veir en YouTube enes pròplèus dies, atau coma anoncièren es pròpis autors.
HÒNT: CONSELH GENERAU D'ARAN
Eth metratge, realizat peth guida de montanha Roger Martorell damb era collaboracion des tecnics deth Centre de Prediccion de Lauegi deth Conselh Generau d’Aran, compde damb era narracion en prumèra persona d'un des esquiaires afectadi peth laueg, qu'explique era situacion que viueren ar èster estonadi per un fenomèn naturau d’aqueres dimensions.
Es imatges mòstren coma en un prumèr moment dus des esquiaires artenhen superar eth laueg, tot e que demoren semienterradi. A compdar d'aquiu, comencen era recèrca deth tresau esquiaire enterrat pera nhèu e localizat mejançant ARVA (Appareil de Recherche de Victimes d'Avalanches), e inícien era rapida intervencion damb era sonda e era pala enquiara arribada deth Grop de Rescat de Montanha (GRM) des Pompièrs d’Aran, que procedissen ath rescat e evacuacion en elicoptèr des victimes.
Eth GRM siguec avertit en madeish moment deth laueg peth guida de montanha, que se mantenguec en tot moment en contacte damb es tecnics deth Centre de Prediccion de Lauegi d’Aran e damb era equipa de rescat.
Fin finau, es esquiaires podèren èster evacuadi en elicoptèr. Dus d’eri ar Espitau dera Val d’Aran e eth tresau derivat en elicoptèr medicalizat ar Espitau Arnau de Vilanova de Lhèida, a on demorèc espitalizat pendent uns dies.
Er acte celebrat ager compdèc damb era preséncia des tecnics deth Centre de Prediccion de Lauegi, eth pròpi Roger Martorell e dus des esquiaires afectadi peth laueg, acompanhadi entre d’auti peth conselhèr de Territòri d’Aran, José Antonio Boya.
Dempús dera projeccion, auec lòc un interessant collòqui sus era manèra d'actuar deuant un laueg ena montanha, era importància de consultar eth bulletin de prevision de lauegi que cada dia emet eth Centre de Lauegi e era preparacion des gessudes, atau coma es mesures de seguretat que non se pòden desbrembar jamès.
En aguest sens, eth conselhèr de Territòri, José Antonio Boya, destaquèc era rapida accion des servicis de Pompièrs e Emergéncies dera Val d’Aran que, en pògues menutes, poderen efectuar eth rescat des esquiaires gràcies ara sua formacion e experiéncia en rescats de montanha.
Eth vidèo complèt de "CompartirXAprendre" se poderà veir en YouTube enes pròplèus dies, atau coma anoncièren es pròpis autors.
HÒNT: CONSELH GENERAU D'ARAN
Clara Villar