Gran donada d'aucupacion ena Val d'Aran pendent Pasca

Era Val d’Aran a barrat es hèstes de Pasca d’enguan damb granes donades d’aucupacion. Enquia un 95% en lèu tot eth territòri, e ath plen d’aucupacion en determinadi establiments. Aguest an, era climatologia a acompanhat pendent era hestivitat, e amassa damb era grana aufèrta toristica que i auie en país, a favorit ua grana Setmana Santa. A nivèu culturau, es processons de Bossòst, uniques ena Val d’Aran, an acuelhut a ua grana quantitat de toristes autant de França coma dera rèsta der Estat Espanhòu.

Tanben pendent Pasca s’a amiat a terme eth cicle Romanic Musicau, damb concèrts de musica classica en diuèrses glèises deth territòri, que s’an aumplit autant en Salardú coma en Bossòst. Pyrenades a tornat a èster er epicentre deth montanhisme damb era 7au edicion d’aguest eveniment qu’a acuelhut fòrça actiuetats coma conferéncies, paassejades e cinèma. E fin finau, Baqueira-Beret a barrat es sues pòrtes enquiara pròplèu sason de nhèu damb es darrèrs esquiaires, damb eth 80% des pistes dubèrtes.