Finau de tempsada dera UE Bossòst damb ua derròta en casa

Era Union Esportiua Bossòstacabèc era tempsada eth passat dissabte en tot jogar en casa còntra eth Boulogne, ua des prumères equipes dera categoria, e damb era que perderen per 1 a 6.

Enguan era equipa aranesa, que se manten ena categoria Excellence, a agut un finau de tempsada fòrça dificil, perdent es 5 darrèri partits còntra es prumères equipes tot e auer jogat ben.

Entara següent tempsada, que comence coma tostemp en agost, se presente un canvi fòrça important ena reparticion des districtes qu’afectarà especiaument ath districte de Commenges, en quau jògue eth Bossòst.

Mès es canvis non se daràn sonque enes districtes, senon que seràn presents tanben enes madeishes categories e d’auti aspèctes qu’afectaràn directament as equipes.

Ara, eth Bossòst a de recuperar fòrces e premanir-se entà afrontar era següent tempsada, que se prevé plia de canvis e naues oportunitats e ena que, de ben segur, auran mès sòrt qu’en aguesta e veiràn recompensat eth sòn trebalh.