Finalizen es trabalhs de milhora des escales e dera plataforma d'accès ara glèisa Sant Miquèu de Vielha
20/07/2023
Er Ajuntament de Vielha e Mijaran a realizat un complèt lauat d’imatge a un des endrets mès visitadi deth municipi, en tot deishar-lo enes milhores condicions damb era arribada der ostiu
Actuacions realizades:
– Plaçament de naues escales de granit damb un acabat que refortilhe era seguretat, en tot evitar esguitlades e queigudes.
– Plaçament d’un nau solèr de granit ena plataforma d’accès.
– Naues parabandes de supòrt entà refortilhar era seguretat des visitaires
– Jardinères de proteccion, que tanben aufrissen mès berèsa ar espaci.
– Plataforma d’accès as persones damb mobilitat redusida en airau oèst.
“Damb es trabalhs de milhora en accès ara glèisa de Sant Miquèu de Vielha, dignificam un des principaus elements patrimoniaus e qu’atrè fòrça torisme en nòste municipi. Ac hèm damb granit, entà qu’age un aspècte uniforme damb era rèsta dera glèisa, en tot balhar mès berèsa ath conjunt dera bastissa”, comente eth baile de Vielha e Mijaran, Juan Antonio Serrano. E ahig “qu’aguest ostiu ja ei prèst entà qu’era gent ac pogue visitar damb totes es mesures de seguretat”.
HÒNT: AJUNTAMENT VIELHA E MIJARAN
“Damb es trabalhs de milhora en accès ara glèisa de Sant Miquèu de Vielha, dignificam un des principaus elements patrimoniaus e qu’atrè fòrça torisme en nòste municipi. Ac hèm damb granit, entà qu’age un aspècte uniforme damb era rèsta dera glèisa, en tot balhar mès berèsa ath conjunt dera bastissa”, comente eth baile de Vielha e Mijaran, Juan Antonio Serrano. E ahig “qu’aguest ostiu ja ei prèst entà qu’era gent ac pogue visitar damb totes es mesures de seguretat”.
HÒNT: AJUNTAMENT VIELHA E MIJARAN
Manu Moga