Finalize damb exit era sason 2018-19 deth Programa de Pre Tecnificacion des Clubs dera Val d’Aran

Aguesta setmana s’a autrejat un reconeishement as esportistes mès complèts e excellents a nivèu de carrèra dual e personau deth Centre de Tecnificacion d’Espòrts d’Iuèrn dera Val d’Aran (CETEI). Un prèmi as joeni qu’an finalizat era sason damb exit actitudinal e de comportament, ath delà de resultats de rendiment academic e esportiu.

Aguesti reconeishements an estat autrejadi peth Departament de residéncia e tutoria deth CETEI acompanhadi pes tecnics entrenadors e damb eth supòrt der INS d'Aran.

Es esportistes reconeishudi an estat Leyre Carvajales, deth Programa Esquí Aupin, Sara Donés, deth Programa Snowboard, Àlex Dedieu, deth Programa Freeride e Aitor Lucas, deth Programa Freestyle.

Aguest programa s'amie a tèrme gràcies ar esfòrç constant e implicacion des clubs dera Val d'Aran damb eth CETEI, atau coma ath supòrt deth Conselh Generau d’Aran, Baqueira Beret e dera Deputacion de Lleida.

Hònt: CONSELH GENERAU D'ARAN