Finalizat damb èxit eth prumèr Black Mountain Bossòst

Dejà a finalizat era prumèra edicion der hestivau de genre nere Black Mountain Bossòst. Tres intensi dies cargadi de nombroses activitats culturaus: mòstres de cinèma, debats literaris, un concert de jazz e tanben passejades peth municipi en tot dar a conéisher a autors e lectors eth meravelhos entorn qu’aufrís era Val d’Aran.

Er eveniment a estat organizat per Ajuntament de Bossòst amassa damb er escrivan e vesin deth pòble José Luis Muñoz, e a agut coma principau objectiu apropar era cultura a toti es sòns assistents, tant vesins e vesies dera Val d’Aran, coma amants deth genre vengudi de diuèrses parts der estat.

Aguest acte a estat tot un èxit e des deth consistòri non s'escarte qu’aguesta age estat sonque era prumèra de mès edicions deth Black Mountain Bossòst.

Ua activitat relacionada integraments damb era cultura que demòstre er enorme potenciau dera Val d’Aran, qu’ei molt mès que sonque ua destinacion de nhèu.