Exposicion deth 1èr. Concors de Pentura de Naut Aran

Er Ajuntament de Naut Aran inaugure deman era exposicion deth Prumèr Concors de Pentura de Naut Aran Baqueira a on s’an presentat ath torn de 800 òbres.

En aguesta exposicion s’i poderàn trapar es 43 òbres mès destacades de tot eth mon coma per exemple Argentina, e entre es que tanben i a representacion aranesa. Era tematica ère sus pintar un paisatge vinculat a Naut Aran.

Er espaci escuelhut entà amiar-la a tèrme serà eth Parador d’Arties damb er orari de dijaus a dimenge des 17:00 enquias 21:00.

Eth madeish dimenge, entara 13:00 deth meddia, s’autrejarà eth prumèr e dusau prèmi as autors guardonadi que seràn reconeishudi damb 6.000 e 3.000 èuros respectivament.

Eth jurat ei compausat per persones reconeishudes deth sector pictoric amassa damb eth baile der Ajuntament de Naut Aran, César Ruiz-Canela e eth secretari municipau, Mariano Capdevila.

Era exposicion ei GRATUÏTA, dubèrta a tot eth public.


HÒNT: AJUNTAMENT DE NAUT ARAN