Eth Sindic visite es òbres deth nau centre de recuelhuda de residus de Beusa
29/09/2017
POLÍTICA
Eth Sindic d'Aran, Carlos Barrera, amassa damb eth Conselhèr de Territòri, José Antonio Boya, e quauqui tecnicians deth Conselh, an visitat es òbres deth que serà eth nau centre de recuelhuda de residus de Beusa, en municipi de Vielha e Mijaran.
Era metuda en marcha der equipament significarà ua milhora considerabla ena gestion ambientau, e facilitarà era collaboracion ciutadana en reciclatge e gestion sostenible deth miei ambient.
Aguest nau centre de recuelhuda de residus ei bastit sus ua parcèla de mès de 4.000 m2 cedida pera Agéncia Catalana der Aigua (ACA) ath Conselh Generau d’Aran entara adeqüacion dera installacion deth centre de residus que resultèc maumetut pendent es aiguats de 2013.
Eth pressupòst
Era prumèra fasa de bastiment d’aguest nau equipament a un pressupòst projectat de mès de 370.000€, adjudicat damb baisha economica de 295.000€. Era Agéncia de Residus de Catalonha n'apòrte era quantitat de 250.000€.
Era dusau fasa, pressupostada en pròp de 600.000 euròs, dotarà era installacion des equipaments adaptadi entà facilitar er accès a toti es usatgèrs e milhorar era eficiéncia dera evacuacion e tractament des materiaus geridi.
Se demore auer prèsta aguesta dusau fasa entara pròplèu primauera, d'aguesta forma era installacion serà premanida entà compactar es materiaus de fraccions coma eth carton e era husta, damb er objectiu d’optimizar eth servici en tot redusir eth numerò de viatges e eth còst qu'açò represente entath Conselh e tàs ciutadans.
Eth foncionament
Un còp acabada era prumèra fasa des òbres, eth nau centre se poderà méter en foncionament damb 6 des 14 departaments des que disposarà eth bastiment.
Eth nau centre s’installe en un recinte barrat qu'aurà ua bascula ena entrada a on s'arreceberà as usatgèrs que pujaràn per ua rampa ath departament des diferentes caishes de residus generadi, degudaments senhalizadi, e, un còp depausat es residus ena caisha corresponenta, er usatgèr baisharà per ua dusau rampa e retornarà ara bascula de recepcion, a on un operari li liurarà eth corresponent albaran d’entrada damb descripcion des caracteristiques des materiaus liuradi en centre.
Es diferenti residus geridi en centre de recuelhuda seràn enviadi as gestors homologadi corresponents, ja sigue damb era madeisha caisha a on se depause eth residu, o es gàbies abilitades tath transpòrt segontes era natura deth producte.
Era Val d'Aran, comprometuda damb eth miei ambient
Actuauments, era Val d’Aran ei eth 11au territòri de Catalonha a on mès residus se reciclen a trauès dera recuelhuda selectiua. Er increment progressiu e era milhora des percentatges demòstre er aument dera conscienciacion ciutadana sus era importància dera preservacion deth miei ambient.
IMATGE: CONSELH GENERAU D'ARAN
Era metuda en marcha der equipament significarà ua milhora considerabla ena gestion ambientau, e facilitarà era collaboracion ciutadana en reciclatge e gestion sostenible deth miei ambient.
Aguest nau centre de recuelhuda de residus ei bastit sus ua parcèla de mès de 4.000 m2 cedida pera Agéncia Catalana der Aigua (ACA) ath Conselh Generau d’Aran entara adeqüacion dera installacion deth centre de residus que resultèc maumetut pendent es aiguats de 2013.
Eth pressupòst
Era prumèra fasa de bastiment d’aguest nau equipament a un pressupòst projectat de mès de 370.000€, adjudicat damb baisha economica de 295.000€. Era Agéncia de Residus de Catalonha n'apòrte era quantitat de 250.000€.
Era dusau fasa, pressupostada en pròp de 600.000 euròs, dotarà era installacion des equipaments adaptadi entà facilitar er accès a toti es usatgèrs e milhorar era eficiéncia dera evacuacion e tractament des materiaus geridi.
Se demore auer prèsta aguesta dusau fasa entara pròplèu primauera, d'aguesta forma era installacion serà premanida entà compactar es materiaus de fraccions coma eth carton e era husta, damb er objectiu d’optimizar eth servici en tot redusir eth numerò de viatges e eth còst qu'açò represente entath Conselh e tàs ciutadans.
Eth foncionament
Un còp acabada era prumèra fasa des òbres, eth nau centre se poderà méter en foncionament damb 6 des 14 departaments des que disposarà eth bastiment.
Eth nau centre s’installe en un recinte barrat qu'aurà ua bascula ena entrada a on s'arreceberà as usatgèrs que pujaràn per ua rampa ath departament des diferentes caishes de residus generadi, degudaments senhalizadi, e, un còp depausat es residus ena caisha corresponenta, er usatgèr baisharà per ua dusau rampa e retornarà ara bascula de recepcion, a on un operari li liurarà eth corresponent albaran d’entrada damb descripcion des caracteristiques des materiaus liuradi en centre.
Es diferenti residus geridi en centre de recuelhuda seràn enviadi as gestors homologadi corresponents, ja sigue damb era madeisha caisha a on se depause eth residu, o es gàbies abilitades tath transpòrt segontes era natura deth producte.
Era Val d'Aran, comprometuda damb eth miei ambient
Actuauments, era Val d’Aran ei eth 11au territòri de Catalonha a on mès residus se reciclen a trauès dera recuelhuda selectiua. Er increment progressiu e era milhora des percentatges demòstre er aument dera conscienciacion ciutadana sus era importància dera preservacion deth miei ambient.
IMATGE: CONSELH GENERAU D'ARAN
Clara Villar